რუსთავი 2: სამცხე–ჯავახეთის გუბერნატორი ბესიკ ამირხანაშვილი იქნება

სამცხე–ჯავახეთის გუბერნატორთან ერთად, კიდევ ხუთი რეგიონის გუბერნატორის ვინაობა დასახელდა.სამეგრელოს გუბერნატორად ალექსანდრე მოწერელია ინიშნება, მცხეთა-მთიანეთის გუბერნატორი შალვა კერესელიძე ხდება, ქვემო ქართლს შოთა რეხვიაშვილი, შიდა ქართლს ალეკო ხოჯევანიშვილი, ხოლო იმერეთს შავლეგო ტაბატაძე უხელმძღვანელებს.

"სამხრეთის კარიბჭეს" მთავრობის ადმინისტრაციაში განუცხადეს, რომ გუბერნატორების ვინაობა ორშაბათს, 20 აგვისტოს გახდება ცნობილი–"რუსთავი 2" არ არის ინფორმაციის წყარო, ჩვენ არაფერს არ ვადასტურებთ, დაელოდეთ პრემიერ–მინისტრის ბრიფინგს ორშაბათს".

შეგახსენებთ, რომ საქართველოს პრემიერ–მინისტრმა მამუკა ბახტაძემ, გუშინ 17 აგვისტოს მთავრობის სხდომის დაწყებამდე განაცხადა, რომ რეგიონებში ახალ გუბერნატორებს ორშაბათს წარადგენდა.

26 ივლისს პრემიერმა 5 რეგიონის - სამცხე - ჯავახეთის, შიდა ქართლის, მცხეთა - მთიანეთის, სამეგრელო- ზემო სვანეთის და ქვემო ქართლის გუბერნატორები თანამდებობებიდან გაათავისუფლა. რამდენიმე თვე გუბერნატორის ადგილი ვაკანტური იყო იმერეთის რეგიონშიც.

[sknews.ge]