პროკურორი - მოსამართლემ ხვედელიანის საქმეზე პოლიტიკური გადაწყვეტილება მიიღო

ბორჯომის პოლიციის ყოფილი უფროსის მამუკა ხვედელიანის საქმესთან დაკავშირებით დღეს გამოტანილ გამამართლებელ განაჩენს პროკურორი მირიან ჭუმბურიძე უკანონოს უწოდებს.

„მოსამართლემ პოლიტიკური გადაწყვეტილება მიიღო, - აცხადებს იგი და ამატებს, - მტკიცებულებები მყარი იყო და სასამართლოს უნდა გაეზიარებინა“.

მისი თქმით, შესაძლოა ეს იმიტომ მოხდა ასე, რომ სასამართლოში ჯერ ისევ „ნაციონალური მოძრაობის“ წარმომადგენლები არიან.

პროკურორი აცხადებს, რომ ახალციხის რაიონული სასამართლოს გადაყვეტილებას აუცილებლად გაასაჩივრებს: „როგორც კი განაჩენი გადმოგვეცემა, აუცილებლად გავასაჩივრებთ“.

შეგახსენებთ, რომ დღეს, ადამიანის გაუპატიურებაში ბრალდებული ბორჯომის პოლიციის 5 თანამშრომელი დარბაზიდან გაათავისუფლეს.

[თამუნა უჩიძე, ახალციხე]