სატყეო სამცხე–ჯავახეთში ხეებს ვირუსულ და სოკოვან დაავადებებზე იკვლევს

სატყეოს წარმომადგენლები რეგიონში ხეების ხმობის მიზეზის შესასწავლად კვლევით სამუშაოებს მიმდინარე კვირაში ახორციელებდნენ: „მბეჭდავი ქერქიჭამიას მონიტორინგი სამცხე–ჯავახეთში წელს მესამედ ჩატარდა. ქერქიჭამიას ფერომონიანი ჭიანჭველების გამოყენებით ვიჭერთ. ამ ეტაპზე ხაფანგებში მექანიკურად დაჭერილი ხოჭოები გავანადგურეთ“.

როგორც სატყეო სააგენტოს აღრიცხვისა და კვლავწარმოების დეპარტამენტის წარმომადგენლები ამბობენ, „გარდა იმისა, რომ ხოჭოები განადგურდა, ასევე, მოიჭრა ნაძვების და ფიჭვების გვერდითი ტოტები, ფესვის ნაწილი და ხის კენწერო. ეს ნაწილები ლაბორატორიაში გადაიგზავნა და უახლოეს მომავალში გახდება ცნობილი, არის თუ არა ხეების ხმობის მიზეზი ვირუსული, ან სოკოვანი დაავადებები“.

ლაბორატორიული კვლევის პასუხებს სატყე სააგენტო ორ კვირაში მიიღებს.

შეგახსენებთ, რომ რეგიონში ხეების ხმობის შესახებ სატყეო სააგენტომ „სამხრეთის კარიბჭიდან" შეიტყო. ნაძვისა და ფიჭვის ხეები ახალციხეში, ბორჯომსა და ადიგენში ხმება.

[ავთო ინასარიძე, ახალციხე]