ლაბორატორიული კვლევით გაირკვა, რომ ხეების ხმობის მიზეზი სოკოვანი დაავადებები არ არის

„ლაბორატორიულმა კვლევამ გვაჩვენა, რომ პათოგენური სოკო სამცხე–ჯავახეთში ხის ხმობის მიზეზი არაა,“ – გვითხრა ტყის აღრიცხვისა და კვლავწარმოების დეპარტამენტის სპეციალისტმა გიორგი ბერეჩიკიძემ.

მისი თქმით, კვლევისას ხეებზე სოკოს მხოლოდ სამი (DIPLOSIA SP, ALTERNARIA SP და TRUNCATELLA SP) სახეობა აღმოჩნდა: „თუმცა, ეს სოკოები ჩნდება უკვე გამხმარ ხეებზე და ხმობის მიზეზს არ წარმოადგენს არცერთი მათგანი“.

ეროვნული სატყეო სააგენტოს მიერ ლაბორატორიული კვლევის ჩატარება მას შემდეგ გახდა საჭირო, რაც აღნიშნულმა უწყებამ სამცხე–ჯავახეთში ხეების ხმობის მიზეზის შესწავლა დაიწყო.

[ავთო ინასარიძე, ახალციხე]