რეგფონდიდან ახალციხეს მილიონ ლარზე მეტი დაემატება

აღნიშნული ინფორმაცია ახალციხის საკრებულოს თავმჯდომარემ გელა ნოზაძემ დეპუტატებს დღეს, 17 აგვისტოს საკრებულოს რიგგარეშე სხდომაზე გააცნო.

„ინფრასტრუქტურის სამინისტროში 15 აგვისტოს გამართულ შეხვედრაზე გახდა ცნობილი რომ რეგფონდი დამატებით გვაფინანსებდა, რასაც არ ველოდით. აღნიშნული თანხა გადავანაწილეთ ექვსი პროექტის განხოციელებისთვის. ადგილობრივი თვითმმართველობის თანამონაწილეობაც იქნება საერთო ჯამში ორ მილიონზე მეტი დაიხარჯება“, – განმარტავს გელა ნოზაძე.

2019 წლის ნაცვლად, 2018 წელს შემდეგი პროექტები განხორციელდება (სავარაუდო ღირებულება);

1.სოფელ ტყემლანის გზის რებილიტაცია – 488 150 ლარი;

2.ახალციხეში, ბაღინაშვილისა და სამსონიძის ქუჩების რეაბილიტაცია – 552 740 ლარი;

3.სოფელ ნაოხრების გზის რეაბილიტაცია – 244 022 ლარი;

4.სოფელ ზემო სხვილისის გზის რეაბილიტაცია – 89 546 ლარი;

5.სოფლების: წინუბნის, გურკელის, აგარის, ზიკილიის და მუგარეთის სასმელი წყლის სათავე ნაგებობის , მაგისტრალური მილსადენის და გამწმენდი ნაგებობის მოწყობა– 1 800 000 ლარი (პროექტი ორ ეტეპად განცოხრიელდება);

საკრებულოს თავმჯდომარის განმარტებით, რადგან 2019 წელს დაგეგმილი ექვსი პროექტი 2018 წელს განხორციელდება, შესაბამისად შეიცვლება მომდევნო წლებში დაგაგმილი პროექტების განხორციელების ვადებიც.

„ის რაც 2020 და 2021 წლებში უნდა გაკეთებიულიყო გაკეთდება 2019 წელს. ასეთი ცხრა ინფრასტრუქტურული პროექტია“, – ამბობს გელა ნოზაძე.

[ლუბა გიორგაძე, ახალციხე]