რა გაკეთდება 2020 წელს რეგფონდიდან ახალციხის მუნიციპალიტეტში

ახალციხის მერიაში აცხადებენ, რომ 15–დან ცხრა პროექტი რეგიონებში განსახორციელებელი პროექტების ფონდიდან უკვე დაფინანსდა, ექვსი პროექტი კი დღეს, 27 იანვარს დეპუტატებმა საკრებულოს რიგგარეშე სხდომაზე მოიწონეს, აღნიშნულ პროექტებს რეგფონდში გადააგზავნიან, დაფინანსდება თუ არა, პასუხს რამდენიმე თვეში მიიღებენ.

რეგფონდის მიერ დაფინანსებული პროექტები:

გიორგიწმინდის და მუგარეთის დამაკავშირებელი საავტომობილო გზის რეაბილიტაცია – 374 795 ლარი;

ანდრიაწმინდის საავტომობილო გზის რეაბილიტაცია – 499 161 ლარი;

წყრუთი–წირას დამაკავშირებელი საავტომობილო გზის რეაბილიტაცია – 513 010 ლარი;

აწყური–ტყემლანას დამაკავშირებელი საავტომობილო გზის რეაბილიტაცია – 483 797 ლარი;

ვალეში ე.წ მეორე შახტის დასახლებაში საავტომობილო გზის რეაბილიტაცია – 310 977 ლარი;

ახალციხეში, მრავალბინიანი საცხოვრებელი სახლების, სახურავების, ფასადების, სადარბაზოების და მიმდებარე ინფრასტრუქტურის კეთილმოწყობა – 1 033 939 ლარი;

ახალციხეში, რუსთაველის ქუჩაზე მდებარე სანიაღვრე არხების რეაბილიტაცია – 428 660 ლარი;

ახალციხის ქუჩების (მიხეილ თამარაშვილის, შალვა ახალციხელის, პაატა ნათენაძის, რუსთაველის, კოსტავას, დიდიმამიშვილის, 9 აპრილის, ჯაყელის, თამარ მეფის, ახალქალაქის ჩიხის, საფარის ქუჩის მიმდებარედ ჩიხების, ნიკოლაძის, მიქუტიშვილის, ტაბიძის, ყაზბეგის, ასპინძის, გორის, ქუთაისის და ერევნის) საფეხმავლო ბილიკების და მიმდებარე ინფრასტრუქტურის მოწყობა–რეაბილიტაციის სამუშაოები – 1 869 160 ლარი;

ახალციხის მუნიციპალიტეტის ტერიტორიაზე გარე განათების ქსელის მოწყობა – 700 000 ლარი;

მოწონებული პროექტები, რომლებიც რეგფონდში დაფინანსების მოთხოვნით გადაიგზავნება:

კლდის, წნისის, ურავლის, აწყურის მუგარეთის, თისელის, ჭვინთის, ანის, ელიაწმინდის, წყრუთის, წირის, სხვილისისა და ორალის სასმელი წყლის სისტემების რეაბილიტაცია – 1 065 246 ლარი;

მუნიციპალიტეტის ტერიტორიაზე საბავშვო ბაღების მშენებლობა–რეაბილიტაცია – 1 200 000 ლარი;

ახალციხეში, სამხატვრო სკოლის და საგამოფენო დარბაზების რეაბილიტაცია – 400 000 ლარი;

ახალციხეში, რუსთაველის N124–ში მდებარე შენობებისა და მიმდებარე ინფრასტრუქტურის რეაბილიტაცია – 600 000 ლარი;

ახალციხის მუსიკალური სკოლის რეაბილიტაცია – 900 000 ლარი;

ახალციხის კულტურის სახლის რეაბილიტაცია – 150 000 ლარი;

[თინათინ ზაზაძე, ახალციხე]