სამცხე–ჯავახეთის მუნიციპალიტეტების მერები მაია ცქიტიშვილს შეხვდნენ

შეხვედრა, დღეს, 15 აგვისტოს, რეგიონული განვითარებისა და ინფრასტრუქტურის სამინისტროში გაიმართა.

სამინისტროსა და თვითმმართველობების წარმომადგენლებმა, რეგიონში მიმდინარე და დაგეგმილ პროექტებზე, შესყიდვების მეთოდოლოგიის სტანდარტებზე, დეცენტრალიზაციის მიმართულებით გადადგმულ ნაბიჯებზე, პრობლემებსა და მათი აღმოფხვრის გზებზე ისაუბრეს.

„სამინისტროს ხელმძღვანელობა აგრძელებს შეხვედრებს რეგიონების წარმომადგენლებთან. ეს ახალი ფორმატია, რომელიც ჩვენ დავნერგეთ. უკვე რამდენიმე რეგიონში გვქონდა ასეთი ტიპის შეხვედრები. მუნიციპალიტეტების ჩართულობით გვაქვს საშუალება განვიხილოთ რეგიონისათვის მნიშვნელოვანი პროექტები“, – ამბობს მაია ცქიტიშვილი.

[მარიამ ბარძიმაძე, ახალციხე]