ბორჯომი რეგფონდიდან 2 495 667 ლარს მიიღებს

როგორც ბორჯომის მუნიციპალიტეტის მერიაში განმარტავენ, ფონდიდან გამოყოფილ თანხას, ადგილობრივი ბიუჯეტიდან 623 917 ლარიც დაემატება. ჯამში შვიდი პროექტის შესრულებისთვის 3 119 583 ლარი დაიხარჯება.

ამ თანხით ქალაქსა და მუნიციპალიტეტის სოფლებში შემდეგი პროექტები განხორციელდება:

ცემიდან ტბამდე საავტომობილო გზისა და ტბის შიდაქუჩების რეაბილიტაცია – 523 550 ლარი;

ქვაბისხევში და ჭობისხევში საავტომობილო გზის რებილიტაცია და ხიდების მოწყობა – 671 620 ლარი;

დაბა ახალდაბის ქუჩების წერეთლის და ყაზბეგის, ასევე სოფელ რველში ე.წ.„ ბანიხევში“ საავტომობილო გზის რეაბილიტაცია – 615 357 ლარი;

დაბა წაღვერში თბილისის ქუჩის და სოფელ მზეთამზეში შიდა ჩიხების რეაბილიტაცია – 298 491 ლარი;

ტაძრისში და საკირეში გზების რეაბილიტაცია (საკირეში- ეკლესიამდე მისასვლელი გზა, რიტუალების დარბაზის მიმდებარე გზა, ე.წ ,,ბეშკენაძეების უბანი") – 526 468 ლარი;

სადგერის კანალიზაციის რეაბილიტაცია – 197 550 ლარი;

ბორჯომში შიდა ქუჩების რეაბილიტაცია(მაზმიაშვილის ქუჩა, რაზმაძის ქუჩის ჩიხები, ზეინკლიშვილის ქუჩა) – 286 547 ლარი;

ადგილობრივ თვითმმართველობაში აცხადებენ, რომ ტენდერები სახელმწიფო შესყიდვების სააგენტოს ვებგვერდზე უახლოეს მომავალში აიტვირთება.

[თინათინ ზაზაძე, ბორჯომი]