საფეხური: 'თავდაცვა და უსაფრთხოება' ახალი საგანი სკოლებში [Audio]

ახალი საგნის საპილოტე სწავლება ახალციხის მეორე საჯარო სკოლაში მეორე სემესტრიდან დაიწყება.

გადაცემაში მოისმენთ თავდაცვის მინისტრის მოადგილის ნუკრი გელაშვილის კომენტარსაც.

"თავდაცვისა და უსაფრთხოების" პილოტირებისთვის სკოლების შერჩევა ახალი სასწავლო წლიდან დაიწყო . ამ მიზნით, საგნის პედაგოგებად შეირჩნენ სამხედრო პირები, რომელთა გადამზადების თვენახევრიანი ტრენინგი უკვე დასრულდა და საპილოტე გაკვეთილებს ისინი მეორე სემესტრიდან ჩაატარებენ.

ამ ეტაპზე სასწავლო პროცესში გამოსაყენებლი მასალა ელექტრონული ფორმით მუშავდება და დასრულების შემდეგ ის რეკომენდაციებისთვის საქართველოს პარლამენტის თავდაცვისა და უშიშროების კომიტეტს გადაეგზავნება.

პარალელურად იგეგმება სასწავლო პროცესზე დაკვირვება. საგნის "თავდაცვა და უსაფრთხოება" სწავლა-სწავლება მიზნად ისახავს:

• ხელი შეუწყოს მოსწავლის პატრიოტული სულისკვეთების, სახელმწიფოებრივი აზროვნებისა და მოქალაქეობრივი თვითშეგნების ამაღლებას;

• გააცნოს მოსწავლეს საქართველოსა და მსოფლიოს წინაშე არსებული საფრთხეები და მათზე რეაგირების მექანიზმები;

• გააცნოს მოსწავლეს სამხედრო საქმის საფუძვლები;

• გამოუმუშავოს საგანგებო ვითარებაში უსაფრთხო ქცევის, თვითგადარჩენისა და სხვისი დახმარების უნარ-ჩვევები;

• საგანი სამ სავალდებულო სასწავლო თემას მოიცავს: 2008 წლის ომი, საქართველო საერთაშორისო მისიებში და შეიარაღება.

ამავე თემაზე: ახალციხის რომელ სკოლაში ასწავლიან სამხედროები



[sknews.ge]