ქართული ოცნება: 'ადიგენში ინცინდენტი ყოფით ნიადაგზე წარმოიშვა'

როგორც, პარტიის პრესსამსახურში განმარტავენ, "ქართული ოცნება" მომხდარს ემიჯნება და პოლიტიკურ ანგარიშსწორებას გამორიცხავს.

"ადიგენში ინციდენტი წარმოიშვა ყოფით ნიადაგზე და ყოველგვარი პოლიტიკური მოტივი გამორიცხულია.
პოლიტიკური გაერთიანება ემიჯნება ყოველგვარ ძალადობას და გამორიცხავს ვინმეს მიმართ პოლიტიკურ ანგარიშსწორებას.
იმედს გამოვთქვამთ, რომ მომხდარ ფაქტთან დაკავშირებით დაწყებული გამოძიება სიმართლეს დაადგენს და დამნაშავე პირები სათანადოდ დაისჯებიან",–ნათქვამია "ქართული ოცნების" მიერ გავრცელებულ განცხადებაში.

შეგახსენებთ, რომ ადიგენში ფერსათის მთაზე, ინცინდენტი 28 ივლისს "შუამთობის" დღესასწაულზე მოხდა. ფეხბურთის თამაშთან დაკვშირებით ახალგაზრდებს შორის დაწყებული კონფლიქტი, ფიზკურ დაპირსპირებაში გადაიზარდა, რა დროსაც სოფელ ზანავში "ევროპული საქართველოს" მაჟორიტარი დეპუტატი ზურა შაინიძე, მისი ოჯახის წევრები და შვილის მეგობრები დაშავდნენ.

შაინიძე აცხადებს, რომ ხელკეტებით ფიზიკურად, მის ოჯახის წევრებს "ქართული ოცნების" აქტივისტები და მათი ახლობლები გაუსწორდნენ.

შსს–მ საქმეზე მოკვლევა სსკ–ს 126–ე მუხლის პირველი პრიმა ნაწილის „ბ“ ქვეპუნქტით მიმდინარეობს, რაც ჯგუფურად ჩადენილ ძალადობას გულისხმობს. იკითხებიან ინცინდენტში მონაწილე პირები.

[sknews.ge]