‘შუამთობის’ დღესასწაულზე დაპირისპირების საქმის განხილვა დაიწყო

დღევანდელ სხდომაზე ბრალდების მხარის მხოლოდ ერთი მოწმე, აღნიშნული საქმის გამომძიებელი დაიკითხა.

„წესით პროკურორს სამი მოწმე უნდა წარმოედგინა, თუმცა მხოლოდ ერთი მოიყვანა“, – ამბობს ბრლადებულების ადვოკატი ეკა აბაშიძე.

საქმეზე სულ 70–მდე მოწმა დასაკითხი. პასუხისგებაში მიცემული კი 12 პირია, მათ შორის ოთხი პარტია „ევროპული საქართველოს“ ადიგენის რაიონული ორგანიზაციის წარმომადგენლია.მათი მტკიცებით, შუამთობის დღესასწაულზე „ოცნების“ წარმომადგენლები პოლიტიკური ნიშნით ფიზიკურად გაუსწორდნენ.

12 ბრალდებულიდან ბრალს არცერთი მათგანი არ აღიარებს.

შემდეგი სასამართლო სხდომა 10 დეკემბერს 12:00 საათზე დაინიშნა.

შეგახსენებთ, რომ ადიგენში, სოფელ ზანავში „ევროპული საქართველოს“ დეპუტატს ზურაბ შაინიძესა და მის ოჯახის წევრებს, ასევე, მისი შვილის მეგობრებს, ფიზიკურად გაუსწორდნენ. დეპუტატი ცემაში „ქართული ოცნების“ ახალგაზრდული ფრთის აქტივისტებს ადანაშაულებს. საქმეზე შსს–მ ძიება 126–ე მუხლით დაიწყო და პასუხისგებაში 12 პირი მისცა, მათ შორის ზურა შაინიძე მისი შვილი და კიდევ ორი პირი. ახალციხის რაიონულმა სასამართლომ თორმეტივე პირს აღკვეთის ღონისძიებად 2000–2000 ლარის ოდენობით გირაო შეუფარდა.

[ლუბა გიორგაძე, ადიგენი]