სოფელ დადეშში სეტყვამ კარტოფილის ნათესები დააზიანა

ფოტო: jnews.ge

ძლიერი სეტყვა და წვიმა დადეშში გუშინ, 23 ივნისს იყო. სეტყვამ კარტოფილის ნათესები დააზიანა, უხვი ნალექის გამო დაიტბორა ნაკვეთები.

ადგილობრივებს მოსავალი დაზღვეული არ ჰქონდათ, თუმცა იმედოვნებენ, რომ ადგილობრივი ხელისუფლება რაიმე სახით მაინც დაეხმარება.

„სოფელი დადეში შარშანაც დაისეტყვა. მოსახლეობას მოსავალი დაზღვეული არ ჰქონდა, შესაბამისად სახელმწიფო ვერ დაეხმარა. ახლა ვარკვევთ და თუ ისევ იგივე მდგომარეობაა დადეშში, ვერაფერს გავხდებით. ადგილობრივები დაზღვევის შესახებ შარშან იყვნენ ინფორმირებულები“, – გვითხრა ახალქალაქის მუნიციპალიტეტის მერმა, იური უნანინმა.

ადგილობრივი მოსახლეობის შემოსავლის ძირითადი წყარო კარტოფილია.

[გულო კოხოძე, ახალქალაქი]