როგორ მუშაობს ადიგენში რძის გადამამუშავებელი საწარმოები

სასოფლო-სამეურნეო კოოპერატივებს "იმედსა" და "დერცელის ნობათს", კოოპერატივების განვითარების სააგენტოს თავმჯდომარე გიორგი მიშელაძე ესტუმრა. საწარმოები ადიგენის სოფლებში მოხესა და დერცელში მდებარეობს. აქ 33 ადგილობრივია დასაქმებული.

2017 წელს მათ "რძის მწარმოებელი სასოფლო-სამეურნეო კოოპერატივების მხრადაჭერის" სახელმწიფო პროგრამის ფარგლებში, რძის მიმღებ-გადამამუშავებელი აღჭურვილობა და ნედლი რძის კონტროლის საველე ლაბორატორიული ხელსაწყოები გადაეცათ. ასევე მიიღეს მსხვილფეხა რქოსანი პირუტყვის ჯიშობრივი გაუმჯობესებისა და პროდუქტიულობის ამაღლების მიზნით ხელოვნური განაყოფიერებისათვის საჭირო აღჭურვილობა. სასოფლო-სამეურნეო კოოპერატივების მხრიდან თანადაფინანსებას წარმოადგენდა საწარმოს შენობა-ნაგებობის აშენება, რომელშიც განთავსდა კაპიტალური ინვესტირების ფარგლებში გადაცემული დანადგარები.

სასოფლო-სამეურეო კოოპერატივების განვითარების სააგენტოს თავმჯდომარის გიორგი მიშელაძის განცხადებით, სასოფლო-სამეურნეო კოოპერატივების მხარდამჭერ სხვადასხვა სახელმწიფო პროგრამებში მნიშვნელოვანია მაღალმთიან რეგიონებში მოქმედი კოოპერატივების მხარდაჭერა, მით უფრო როდესაც კოოპერატივებში გაერთიანებული თითოეული მეპაიისათვის უკვე ხელმისაწვდომი ხდება კოოპერაციის შედეგად გაზრდილი შემოსავალი.

მისივე ინფორმაციით, "რძის მწარმოებელი სასოფლო-სამეურნეო კოოპერატივების მხრადაჭერის" სახელმწიფო პროგრამის ფარგლებში, მიმდინარე წელს 13 ახალი საწარმო აშენდება.

[sknews.ge]