რძის მწარმოებელი კოოპერატივების რეგისტრაცია გრძელდება

კოოპერატივის სახელმწიფო პროგრამაში რეგისტრაცია დისტანციურად არის შესაძლებელი. სპეციალური განაცხადი სასოფლო-სამეურნეო კოოპერატივების განვითარების სააგენტოს ვებ -გვერდზე http://www.acda.gov.ge უნდა გაკეთდეს.

სოფლის მეურნეობის სამინისტრო, სახელმწიფო პროგრამას, სსიპ „სასოფლო-სამეურნეო კოოპერატივების განვითარების სააგენტოს“ მეშვეობით ახორციელებს.

მათი ინფორმაციით, თუ სასოფლო-სამეურნეო კოოპერატივი, სახელმწიფო პროგრამაში მონაწილეობისათვის დადგენილ პირობების დაკმაყოფილებს და დარეგისტრირდება, მას სხვადასხვა სიმძლავრის რძის მიმღებ-გადამამუშავებელი მცირე საწარმო გადაეცემა, რომლებიც ნედლი რძის კონტროლის საველე ლაბორატორიული ხელსაწყოთი იქნება აღჭურვილი.

გარდა ამისა, პროგრამაში მონაწილე სასოფლო-სამეურნეო კოოპერატივებს, მსხვილფეხა რქოსანი პირუტყვის ჯიშობრივი გაუმჯობესებისა და პროდუქტიულობის ამაღლების მიზნით,ხელოვნური განაყოფიერებისათვის საჭირო აღჭურვილობა გადაეცემათ. კოოპერატივების წევრები, ასევე ტექნიკური დახმარების სახით ტრენინგებს გაივლიან.

[თაკო ფეიქრიშვილი, ახალციხე]