ახალციხის საგამოცდო ცენტრში ვენტილატორები დადგეს

ახალციხის საგამოცდო ცენტრის უფროსის გელა ინასარიძის თქმით, გამოცდების 40–ვე სექტორში ვინტილატორები დააყენეს: "სულ 38 სექტორი გვაქვს, მაგრამ სარეზერვოდ კიდევ ორი ოთახი გვემატება და ვენტილატორები იქაც დავდგით“.

გამოცდიდან გამოსული აბიტურიენტები ამბობენ, რომ გარემო ნორმალურია და წერისას სიცხე არ აწუხებთ.

„არ ცხელა ოთახებში, თან მე წინ ვიჯექი და ვენტილატორი კარგად აგრილებდა“. – ამბობს აბიტურიენტი მარიკა მამულაშვილი.

დღეს აბიტურიენტები გამოცდას ქართულ ენასა და ლიტერატურაში აბარებდნენ. თუმცა, რეგისტრირებული 227 აბიტურიენტიდან 222 გამოცხადდა.
აბიტურიენტები ამბობენ, რომ ტესტი მარტივი იყო: „ტექსტის რედაქტირება გამიჭირდა, მაგრამ ვფიქრობ კარგად გავართვი თავი, თბილისში ფარმაციის ფაკულტეტზე ვაბარებ და იმედია მოვხვდბი“, – გვითხრა ანამ.

ხვალ, 4 ივლისს, აბიტურიენტები გამოცდას ისევ ქართულ ენასა და ლიტერატურაში ჩააბარებენ.

[მარიამ ბარძიმაძე, ახალციხე]