ეროვნული გამოცდების მეორე დღეს 8 აბიტურიენტი არ გამოცხადდა

გამოცდაზე რეგისტრაცია 8:00 საათზე დაიწყო. დარეგისტრირებული 166 აბიტურიენტიდან რვა არ გამოცხადდა.

საგამოცდო ცენტრის ხელმძღვანელის, გელა ინასარიძის თქმით, საგამოცდო პროცესი მშვიდად მიმდინარეობს: „ყველაფერმა მშვიდად ჩაიარა, სიცხიანი არავინ მოსულა“.

აბიტურიენტები საგამოცდო ცენტრში პირბადით შედიან და მათ შესასვლელში საგამოცდო ბარათებს სპეციალური ეკიპირებით აღჭურვილი ცენტრის თანამშრომლები უმოწმებენ. პირბადის არ ქონის შემხთვევაში აბიტურიენტს მას ადგილზე აძლევენ.

ქართულ ენასა და ლიტერატუში გამოცდის ხანგრძლივობა 3 საათი და 45 წუთია.

ერთიანი ეროვნული გამოცდები 25 ივლისს დასრულდება.

[მარიამ ბარძიმაძე, ახალციხე]