ბორჯომში დამწვარ ბაზარში ზარალს მერიის აუდიტის სამსახური სწავლობს

ბორჯომის მერიის უადიტის სამსახური როგორც მოვაჭრეებისთვის მიყენებულ ზარალს, ასევე, იმ ხარჯებსაც შეისწავლის, რაც დაზიანებული შენობის შესაკეთებლადაა საჭირო. მერიაში ამბობენ, რომ იმ თანხის ოდენობა, რომელსაც ადგილობრივი ბიუჯეტიდან გამოყოფენ, დასკვნის დაწერის შემდეგ განისაზღვრება.

შეგახსენებთ, რომ ბორჯომის „აგრარული ბაზარი“ ექვს ივნისს გამთენიისას დაიწვა. პირველ სართულზე დაახლოებით, 500 კვადრატულმეტრზე მოვაჭრეების სურსათი და ტანსაცმელი მთლიანად განადგურდა, ბაზრის დირექტორის ინფორმაციით ხანძრისაგან მიყენებულმა ზარალმა 65 000 ლარამდე მიაღწია.

[ლუბა გიორგაძე, ბორჯომი]