ახალციხე საერთაშორისო საფეხბურთო ფესტივალისთვის ემზადება

ფესტივალი, რომელშიც ქართველ სტუმრებთან ერთად აზერბაიჯანიდან, თურქეთიდან და სომხეთიდან მოწვეული სტუმრებიც ჩაერთვებიან, ახალციხის ცენტრალურ სტადიონზე, 15.00 საათზე დაიწყება.

ფესტივალის ფარგლებში შედგება გოგონების მატჩი, შესრულდება სხვადასხვა მუსიკალური და საცეკვაო ნომრები, გაიმართება საპრიზო გათამაშება მაყურებლებისთვის და იქნება სპეციალური ამხანაგური მატჩიც.

გარდა ამისა, ყველა მონაწილეს საშუალება ექნება დაესწროს მესხეთის თეატრში სპეციალურ წარმოდგენას, რომელიც ბავშვებისთვის დაიდგა. ასევე, მესხეთის თეატრში დიდ ეკრანზე, ფესტივალის შესახებ მომზადებულ ფილმს აჩვენებენ.

გახსნის ცერემონიის შემდეგ მოწვეული სტუმრებისა და ყველა მონაწილე გუნდისთვის მოეწყობა ახალციხის ციხის ტური. ფესტივალი ფეიერვერკით დაიხურება.

[მანანა სარაშვილი, ახალციხე]