ბოლაჯურთან ავარიისას დაშავებულების მდგომარეობა სტაბილურია

ადიგენის სამედიცინო დაწებულებაში აცხადებენ, რომ მათთან შეყვანილი ორი პაციენტი თავს კარგად გრძნობს, თუმცა კომპიუტერული ტომოგრაფიის გადასაღებად ახალციხის რეფერალურ საავადმყოფოში გადაიყვანენ: „პაციენტი ამბობს, რომ თავი დაარტყა. ამიტომ კატასტროფის ბრიგადა გამოვიძახეთ, ახალციხეში თავზე გამოკვლევას ჩაუტარებენ და შემდეგ გაიწერებიან“.

რაც შეეხება ახალციხის რეფერალურ ჰოსპიტალში შეყვანილ მამა–შვილს, საავადმყოფოში ამბობენ, რომ „ მამას თავზე ქონდა ჭრილობა და გაუკერეს. ამ დროისთვის ორივეს მდგომარეობა სტაბილურია, თუმცა ჯერ კლინიკაში ექიმების დაკვირვების ქვეშ რჩებიან“.

შეგახსენებთ, რომ დღეს 14 ივნისს დაახლოებით 17:00 საათზე სოფელ ბოლაჯურთან ტრაილერი "მოტო ბლოკს" დაეჯახა, რომლის მისაბმელზეც ოთხი ადამიანი იჯდა. მათ შორის ორი ბავშვი.

შინაგან საქმეთა სამინისტროში განმარტავენ, რომ გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ნორმების დარღვევას გულისხმობს.

[თინათინ ზაზაძე, ადიგენი]