დანიელაშვილის ქუჩაზე ალვის ხეებს მოჭრიან

ახალციხის მუნიციპალიტეტის გამგეობაში განმარტავენ, რომ ხეების მოსაჭრელად ტექნიკას ელოდებიან.

‘დანიელაშვილის ქუჩაზე მცხოვრებ მოსახლეობას სერიოზული პრობლემა აქვს ამ ხეების გამო. საქმის კურსში ვიყავით, მაგრამ არ შეგვეძლო ჩვენი სახსრებით იმ ხეების მოჭრა, ამიტომ დაგვჭირდა ტექნიკის მოძიება’, - განმარტავენ ახალციხის მუნიციპალიტეტის გამგეობაში.

შეგახსენებთ, რომ აღნიშნულ ქუჩაზე მცხოვრებლები ეზოში მდგომი დაბერებული ხეების მოჭრას, რომელთაც ხშირად სტყდებათ ტოტები, გასული წლიდან ითხოვენ.

[ნუკა სტეფნაძე, ახალციხე]