ეთნიკური უმცირესობები უფასო სახელმძღვანელოების გარეშე არ დარჩებიან

ამის შესახებ "სამხრეთის კარიბჭეს" საქართველოს განათლებისა და მეცნიერების სამინისტრომ აცნობა.

არაქართულენოვანი მოსწავლეების ბედით "სამხრეთის კარიბჭე" მას შემდეგ დაინტერესდა, რაც გაირკვა, რომ გამომცემლობებმა, რომლებიც სასკოლო სახელმძღვანელოების ბეჭდვაში აღარ ჩაერთვებოდნენ, განაცხადეს, რომ არ მისცემდნენ სამინისტროს იმ სასწავლო მასალებს, რომლითაც ეთნიკური უმცირესობების სახელმძღვანელოები უნდა შედგეს.

კითხვაზე, ხომ არ არსებობს რისკი, რომ ეთნიკური უმცირესობები სახელმძღვანელოების გარეშე დარჩნენ, სამინისტროდან ორი კვირის შემდეგ გვიპასუხეს, რომ მსგავსი რისკი არ არსებობს და არაქართულენოვანი სკოლების მოსწავლეები სექტემბერში, ახალი სასწავლო წლის დაწყებისას წიგნებს ჩვეულებრივად მიიღებენ.

ახალციხის მუნიციპალიტეტში 39 სკოლაა, 38 საჯარო და 1 კერძო. ამათგან, 13 არაქართულენოვანია.

[მანანა სარაშვილი, ახალციხე]