ჩორჩნის სკოლის ეზოში ჩამავალი საკანალიზაციო არხი გაიწმინდა

როგორც სკოლის დირექტორი ირმა ქიმაძე აცხადებს, ბუნებრივი საკანალიზაციო არხი სკოლამ საკუთარი სახსრებით გაწმინდა.
"საკანალიზაციო სისტემა მთლიანად ამოწმენდილია. ის წყლები რაც მოდის, არხში გაედინება და სკოლის ტუალეტში აღარ ჩადის", – ამბობს სკოლის დირექტორი.

რაც შეეხება ახალი ტუალეტის მშენებლობასა და სკოლის დაზიანებული ღობის ახლით შეცვლას, ირმა ქიმაძე ამბობს, რომ ეს სამუშაოები არდადეგებზე დაიწყება.

შეგახსენებთ, რომ სოფელ ჩორჩნის სკოლის ეზოში, ბუნებრივი და ღია არხით, სოფლის კანალიზაცია მიედინებოდა და სკოლის ტუალეტი ივსებოდა. გარდა ამისა, სასწავლო დაწესებულების ღობე დაზიანებულია, ასევე მიუვალია სკოლასთან მისასვლელი გზაც.

[ლუბა გიორგაძე, ადიგენი]