რეპატრიანტი მესხებისთვის მოქალაქეობის მიღების პროცედურა გამარტივდა

რეპატრიანტის სტატუსის მისაღებად დეპორტირებულ მესხებს განაცხადების შევსების ვადა 2010 წლის პირველ იანვრამდე ჰქონდათ. განაცხადი 8,900-მა ადამიანმა შეავსო. ამათგან. სტატუსი 153-მა მიიღო, თუმცა არცერთ მათგანს არ აქვს მოქალაქეობა.

„ამბობდნენ, რომ ამის მიზეზი გართულებული პროცედურები გახდა. ისინი ქართულად და ინგლისურად განაცხადს უშეცდომოდ ვერ ავსებდნენ. ამიტომ პროცედურაში შეტანილი ცვლილებებით მთავრობის წარმომადგენლები მათ განაცხადის შევსებაში დაეხმარებიან. ვისაც სტატუსი უკვე მინიჭებული აქვს ისინი, საქართველოს მოქალაქეობას დაუბრკოლებლად მიიღებენ," - აცხადებს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი დავით დარახველიძე.

მისივე ინფორმაციით, რეპატრიანტებს განაცხადების შევსება საკონსულოებში შეეძლებათ.

[sknews.ge]