გუბერნატორმა აწყურში მიმდინარე პროექტები დაათვალიერა

აწყურში კულტურის სახლის რეაბილიტაციის მეორე ეტაპი მიმდინარეობს.გასულ წელს აქ უკვე შეიცვალა კარ-ფანჯარა, ელექტრო-გაყვანილობა და სველი წერტილები, ახლა კი უნდა მოეწყოს ეზო და გარე ფასადი. ასევე იგეგმება, აქვე მშენებარე საზოგადოებრივი ცენტრის მიმდებარე ტერიტორიისა და სპორტული მოედნის კეთილმოწყობა. პროექტის ფარგლებში გაკეთდება ღობე, გარე განათება, სპორტული მოედნის ხელოვნური საფარი და ავტოსადგომი. ასევე, სარეაბილიტაციო სამუშაოები ჩატარდება ამ ობიექტებამდე მისასვლელ ხიდზეც.

აწყურში კულტურის სახლის შენობა 1970 წელსაა აშენებული და ამ დრომდე მისი რეაბილიტაცია არ მომხდარა.

„რეგიონში კულტურის სახლებისა და ცენტრების რეაბილიტაცია ერთ-ერთი მთავარი პრიორიტეტია, განახლებული გარემო სოფლად მცხოვრები ახალგაზრდების კულტურულ ცხოვრებაში აქტიურად ჩართვას შეუწყობს ხელს“, – ამბობს სამცხე–ჯავახეთის გუბერნატორი კახა სამხარაძე.

მან, ასევე, დაათვალიერა აწყურის ტაძარსა და ციხეზე მიმდინარე სარესტავრაციო სამუშაოები.

[sknews.ge]