აწყურში საზოგადოებრივი ცენტრი აშენდება

ახალციხის მუნიციპალიტეტის მერიაში აცხადებენ, რომ საზოგადოებრივი ცენტრი აწყურში, სოფლის ცენტრში კულტურის სახლის და საბავშვო ბაღის მიმდებარე ტერიტორიაზე აშენდება. სამშენებლო სამუშაოები უკვე დაწყებულია და მაისში დასრულდება.

აღნიშნულ შენობაში განთავსდება აწყურის ბიბლიოთეკა და გამგებლის წარმომადგენლის სამუშაო ოთახიც.

„ეს შენობა იქნება მსგავსი, როგორიც ვალის საზოგადოებრივი ცენტრია, იგივე სერვისებით. შესაბამისად მუნიციპალიტეტი შენობის მიმდებარე ტერიტორიას კეთილმოაწყობს, იქვეა აწყურის სკვერი, კულტურის სახლიც“, – განაცხადა ახალციხის მუნიციპალიტეტის მერმა ზაზა მელიქიძემ.

[თინათინ ზაზაძე, ახალციხე]