აქცია „ჩვენი თავისუფლებისთვის“ – ახალციხელი სტუდენტების შეფასებები [Video]

ქვეყნის დიდი ქალაქებიდან ახალგაზრდები, მთელი დღის განმავლობაში უერთდებოდნენ პარლამენტის წინ შეკრებილებს. მათ შორის იყვნენ სტუდენტები გურიიდან, აჭარიდან, ქუთისიდან და ზუგდიდიდან.

იყვნენ თუ არა მათ რიგებში ახალციხელი ახალგაზრდები და რას ამბობენ ისინი თბილისში განვითარებულ მოვლენებზე, ნახეთ „სამხრეთის კარიბჭის“ გამოკითხვა.





• 12 მაისის ღამეს, დაახლოებით პირველ საათზე, სამართალდამცავებმა კლუბებში, „ბასიანსა“ და „მტკვარზე“, სპეცოპერაცია დაიწყეს, მიზეზად შსს–მ ნარკორეალიზატორების დაკავება დაასახელა. პარალელურად კლუბში შეკრებილი ათობით ადამიანიც დააკავეს.

• მოგვიანებით, შინაგან საქმეთა სამინისტროს განცხადება გავრცელდა, რომელიც რვა ნარკორეალიზატორის დაკავებას იუწყებოდა.

• სახალხო დამცველის ნინო ლომჯარიას განცხადებით, ბრალდებული რვა პირიდან, არცერთი კლუბში არ დაუკავებიათ.

• სპეცოპერაციის საპასუხოდ, „თეთრი ხმაურის მოძრაობამ“, 18 სხვა ორგანიზაციასთან ერთად აქცია, სახელწოდებით „შენი თავისუფლებისთვის“ დააანონსა. აქციაზე პრემიერის და შინაგან საქმეთა მინისტრების გადადგომას და ნარკოპოლიტიკის რეფორმას ითხოვდნენ.

• აქციის მეორე დღეს, პარალელურად, სხვადასხვა ნეონაციონალისტურმა დაჯგუფებებმა კონტრაქცია გამართეს. მათ შორის იყო „ქართული მარშიც“.

• აქცია 12 მაისის შუა ღამეს დაიწყო და გუშინ, გვიან ღამით, შინაგან საქმეთა მინისტრთან საუბრის შემდეგ დასრულდა. გიორგი გახარია აქციაზე სიტყვით გამოვიდა და შეკრებილებს ბოდიში მოუხადა.

• პარლამენტის წინ შეკრებილებს, აქციის დასრულებამდე ბექა წიქარიშვილმა მიმართა: „ერთკვირიან ვადას ვიღებთ და მინისტრის მიერ შემოთავაზებულ ფორმატში, სამუშაო ჯგუფში ვიმუშავებთ და დავაკვირდებით. თუ მათი შემოთავაზებები რეალური და განხორციელებადი არ იქნება, შაბათს საპროტესტო აქციებს განვაახლებთ“. – აქცია 13 მაისის ღამეს დასრულდა.

[ავთო ინასარიძე, ახალციხე]