წირვა ტყეში ქოლგებით – კათოლიკეებმა ამაღლება ბუზმარეთში იზეიმეს [Photo/Vide]

10 მაისს, კათოლიკურმა სამყარომ ამაღლების დღესასწაული აღნიშნა. მესხეთში მცხოვრებმა კათოლიკეებმა, ეს დღე, ტრადიციულად, ბუზმარეთში იზეიმეს.

დღეს, ამაღლების სადღესასწაულო წირვა, ბუზმარეთის ტაძრის მიმდენარე ტერიტორიაზე ახალციხესა და სოფელ არალში მოღვაწე სასულიერო პირებმა აღავლინეს. ქართველ კათოლიკეებთან ერთად, წირვაზე სომხური რიტის კათოლიკე მღვდელი და მრევლიც იყო.



ბუზმარეთის სახელს ორი ტაძარი ატარებს. მათგან ერთი თურქეთ–საქართველოს საზღვრის გარეთ, უახლოესი დასახლებული პუნქტიდან ხუთ კილომეტრში მდებარეობს. მეორე კი სახელმწიფო საზღვრის შიგნით, ნეიტრალურ ტერიტორიაზეა. იგი ნაეკლესიარზე 2006–2007 წლებში სერგო და ანტონ მერაბიშვილებმა აღადგინეს.

ბუზმარეთის ორივე ტაძარი დღეს მართლმადიდებული ეკელესიის დაქვემდებარებაშია. რის გამოც, კათოლიკე მრევლს ტაძარში წირვა–ლოცვის ჩატარების უფლება არ ეძლევა. დღეს კი კათოლიკეებს სასაზღვრო პოლიციის თანამშრომლები მანქანით შესვლის უფლებასაც არ აძლევდნენ.



















[თამარ ფეიქრიშვილი, ადიგენი]