მუნიციპალიტეტის პირველობაზე კალათბურთში ტურნირი ჩატარდა

8 მაისს, ახალციხის მეხუთე საჯარო სკოლაში კალათბურთის ტურნირი გაიმართა. მასში 2002, 2003 და 2004 წლებში დაბადებული, ახალციხის მუნიციპალიტეტის ათი სხვადასხვა სკოლის მოსწავლეები ჩაერთვნენ.

ვაჟებში გამარჯვებული N5 საჯარო სკოლის გუნდი გახდა. გოგონებში კი N1–ლი საჯარო სკოლის გუნდმა გაიმარჯვა.

ტურნირი ახალციხის მუნიციპალიტეტის მერიის ორგანიზებით, პროექტ "სპორტი ბარიერების გარეშე" ფარგლებში გაიმართა. გამარჯვებულები ახალციხის მერიამ სიგელებითა და სამახსოვრო საჩუქრებით დააჯილდოვა.

ტურნირებში გამარჯვებულები, რეგიონულ ჩემპიონატში მიიღებენ მონაწილეობას. შეჯიბრი 12–13 მაისს, ახალციხის ციხის ტერიტორიაზე გაიმართება.

რეგიონული ტურნირის გამარჯვებულები ანაკლიის ბანაკში გაემგზავრებიან და საქართველოს პირველობისთვის იბრძოლებენ.



[ავთო ინასარიძე, ახალციხე]