ტომოგრაფიის აპარატთან დაკავშირებით მოლაპარაკებები დაიწყო

დაზიანებული ტომოგრაფიის აპარატთან დაკავშირებით (რომლის მფლობელიც ადგილობრივი მუნიციპალიტეტია), ”უნიმედი სამცხეს” სამედიცინო დაწესებულების ხელმძღვანელობასა და ახალციხის ადგილობრივ თვითმმართველობას შორის მოლაპარაკება დაიწყო.

ახალციხის მუნიციპალიტეტის გამგებლის მოვალეობის შემსრულებელი ბესიკ ბლიაძე განმარტავს,რომ ამ ეტაპზე ის ხელშეკრულება უნდა გაუქმდეს, რომელიც მუნიციპალიტეტის საკრებულომ გააფორმა სამედიცინო დაწესებულების მაშინდელ ხელმძღვანელობასთან, სს ”ახალციხის რაიონულ საავადმყოფოსთან.

”დღეს მქონდა შეხვედრა ”ალდაგი ბისიაი ს” წარმომადგენლებთან. ძველ ხელშეკრულებას ვადა დაახლოებით 4 წელი აქვს. მიმდინარეობს მოლაპარაკებები ამ ხელშეკრულების გაუქმებასთან დაკავშირებით”,-განაცხადა ბლიაძემ.

როდის დასრულდება მოლაპარაკებები და რა გადაწყდება საბოლოოდ ადგილობრივ თვითმმართველობაში ვერ აკონკრეტებენ.

”უნიმედი სამცხეს” სამედიცინო დაწესებულების პრესცენტრის ხელმძღვანელის თეონა ლალიაშვილის განცხადებით, სამედიცინო დაწესებულება კომენტარს მოლაპარაკებების დასრულების შემდეგ გააკეთებს.

[თინათინ ზაზაძე, ახალციხე]