წირაში დაცემული პირუტყვის სიკვდილის მიზეზი სამ დღეში დადგინდება

სურსათის ეროვნული სააგენტოს სამცხე-ჯავახეთის რეგიონული სამმართველოს სპეციალისტის არტურ ხინკოიანის თქმით დაცემული პირუტყვი შესაძლოა სოფლის მცოხვრებმა მიიყვანა აღნიშნულ ადგილზე და დაკლა.

”შესაძლოა ვინმემ დააგდო და თავი მოაჭრა, იმისთვის რომ არ გაგვერკვია ვის ეკუთვნის პირუტყვი”,-ამბობს ხინკოიანი.

პირუტყვის პატრონის დასადგენად სურსათის ეროვნული სააგენტოს სამცხე-ჯავახეთის რეგიონულ სამმართველოში მოკვლევა უკვე დაწყებულია.

”მოსახლეობამ არ იცის პირუტყვი ვის ეკუთვნოდა. სოფლის რწმუნებული საქმის კურსშია, რომელიც პირუტყვის პატრონის ვინაობის დადგენაში დაგვეხმარება”,- განმარტავს ხინკოიანი.

სურსათის ეროვნული სააგენტოს სამცხე-ჯავახეთის რეგიონული სამმართველოს თანამშრომლებმა გუშინ ნიმუშად დაცემული პირუტყვის ტყავის ფრაგმენტი აიღეს, რომელიც ლაბორატორიაშია გადაგზავნილი.

ხინკოიანის თქმით პირუტყვის სიკვდილის მიზეზი სამ დღეში დადგინდება.

[ნუკა სტეფნაძე, ახლციხე]