ნატოს დღეების ფარგლებში, სასაზღვრო პოლიციაში, სემინარი ჩატარდა

სემინარი სახელწოდებით: „ჩვენი ევროპული არჩევანი: ევროპული ღირებულებები, ევროატლანტიკური ინტეგრაცია“, ნატოსა და ევროკავშირის შესახებ საინფორმაციო ცენტრის და საგარეო საქმეთა სამინისტროს წარმომადგენლებმა დღეს, 18 აპრილს ჩაუტარეს.

ახალციხის სასაზღვრო პოლიციის თანამშრომლებთან ერთად სემინარში დისტანციურად ბათუმის, ლაგოდეხის და წითელი ხიდის მესაზღვრეებიც ჩაერთვნენ. სხვა სამმართველოების თანამშრომლებს კი შესაძლებლობა ჰქონდათ, სოციალური ქსელის მეშვეობით, სემინარის პირდაპირი ჩართვისთვის ეყურებინათ.

ორგანიზატორების თქმით, ღონისძიების მიზანი მესაზღვრეების ინფორმირება ნატოს როლსა და მნიშვნელობაზე, ასევე საქართველოს ევროპულ და ევროატლანტიკურ სტრუქტურებში ინტეგრაციის პროცესისა და ნატო–საქართველოს თანამსრომლობის შესახებ.

ნატოს დღეები წელს მეთერთმეტედ აღინიშნება და მისი მიზანია ალიანსისა და ნატო-საქართველოს თანამშრომლობის შესახებ საქართველოს მოქალაქეების ინფორმირება.

კვირეული ნატო-საქართველოს სახალხო დიპლომატიის ფორუმით დასრულდება.



[ლუბა გიორგაძე, ახალციხე]