ვალეში წყლით მომარაგება აღდგა

ვალეში წყალის მიწოდება დღეს, 17 აპრილს, დაახლოებით 17:00 საათზე აღდგა. გაერთიანებულ წყალმომარაგების კომპანიაში ამბობენ, რომ სამუშაოები დასრულდა და პრობლემა სრულად აღმოიფხვრა – "სათავე–ნაგებობის წყლით ხელოვნურად გამდიდრება მოხდა. სისტემაში წყალი უკვე გაშვებულია. მიწოდება ეტაპობრივად აღდგება, ყველა უბანში", – განმარტავენ გაერთიანებული წყალმომარაგების კომპანიაში.

შეგახსენებთ, რომ ვალის მოსახლეობას წყლის მიწოდება 15 აპრილს შეუწყდა. ამის მიზეზად, მდინარე ფოცხოვზე წყლის დონის დაწევა სახელდებოდა.

[მარიამ ბარძიმაძე, ახალციხე]