მოხეს სადავო შენობაზე გაეროს ადამიანის უფლებათა კომიტეტში საჩივარი შეიტანეს

„ადამიანის უფლებების სწავლების და მონიტორინგის ცენტრი“(EMC), კომიტეტს არადომინანტი რელიგიური ჯგუფების მიმართ რესტიტუციის დისკრიმინაციული პოლიტიკის გამო, გაეროს სამოქალაქო და პოლიტიკური უფლებების შესახებ პაქტის შესაბამისი მუხლების დარღვევის დადგენას სთხოვს.

კომიტეტის წინაშე დავის მოსარჩელეების სასარგებლოდ გადაწყვეტის შემთხვევაში, სახელმწიფოს მიეცემა მითითება შეიმუშავოს თანასწორობის დაცვის პრინციპებზე დაფუძნებული რესტიტუციის პოლიტიკა და ასევე, ინსტიტუციურ დონეზე უზრუნველყოს რელიგიურ შენობა-ნაგებობებთან დაკავშირებული დავების გადაწყვეტის სამართლიანი მექანიზმის ფუნქციონირება.

შეგახსენებთ, რომ მოხეში სახელმწიფოს გადაწყვეტილებით, სადავო შენობას სადავო საკულტო ნაგებობის სტატუსი მიენიჭება, ის არც მულიმ და არც ქრისტიან თემს არ გადაეცემა. მოხეში კი მუსლიმებისთვის ახალი მეჩეთის მშენებლობა სრულდება. ადგილობრივი მუსლიმების ნაწილი, აღნიშნულ გადაწყვეტილებას არ ეთანხმება და დღემდე ლოცვას სადავო შენობასთან, ღია ცის ქვეშ ასრულებს, ისინი აცხადებენ, რომ სალოცავად ახლადაშენებულ მეჩეთში არ შევლენ.

[sknews.ge]