სამცხე–ჯავახეთში 9 აპრილის მემორიალები ყვავილებით შეამკეს

მთავარი → სიახლე, საზოგადოება 09.04.2018

სამცხე–ჯავახეთის მუნიციპალიტეტებში ადგილობრივი ხელისუფლების წარმომადგენლებმა 9 აპრილის მემორიალები ყვავილებით შეამკეს.

სამცხე–ჯავახეთში 9 აპრილის მემორიალები ყვავილებით შეამკეს

დღეს, 9 აპრილის აღნიშვნა რეგიონის მუნიციპალიტეტებში დილიდან დაიწყეს. ადგილობირივ ხელისუფლების წარმომადგენლები, ქალაქის მცხოვრებლები, 9 აპრილის მონაწილეები და ადგილობრივი ცეკვისა და სიმღერის ანსამბლები მემორიალებთან შეიკრიბნენ და 29 წლის წინ ქვეყნის დამოუკიდებლობისთვის მებრძოლებს პატივი მიაგეს. ასევე, მემორიალებთან გარდაცვლილთა მოსახსენიებელი პარაკლისები აღავლინეს.

სამცხე–ჯავახეთში 9 აპრილის მემორიალები ყვავილებით შეამკეს

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე მშვიდობიანი საპროტესტო აქცია დაარბიეს, რასაც ადამიანთა მსხვერპლი მოჰყვა. დარბევის შედეგად 21 ადამიანი დაიღუპა და პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა. მომიტინგეთა მთავარი მოთხოვნა საქართველოს საბჭოთა კავშირის შემადგენლობიდან გამოსვლა და დამოუკიდებლობის აღდგენა იყო. დარბევამდე დღევანდელი პარლამენტის შენობის წინ მრავალათასიანი აქცია და შიმშილობა რამდენიმე დღის განმავლობაში გრძელდებოდა. ტრაგედიიდან ზუსტად ორი წლის შემდეგ 1991 წლის 9 აპრილს მაშინდელმა უზენაესმა საბჭომ ეს თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.

სამცხე–ჯავახეთში 9 აპრილის მემორიალები ყვავილებით შეამკეს