დღეს ბორჯომში საკრებულოს ახალ თავმჯდომარეს აირჩევენ

ბორჯომში საკრებულოს სხდომა 12:00 საათზე დაიწყება.

დეპუტატები საკრებულოს თავმჯდომარის არჩევის შემდეგ, ბორჯომის მერიის და საკრებულოს აპარატის ხელფასების მომატების საკითხზეც იმსჯელებენ.

„ახალი საშტატო ნუსხის მიხედვით, მერის ხელფასი იგივე დარჩება, დანარჩენ თანამშრომლებს კი მოემატება. ხელფასები იზრდება საკრებულოს აპარატშიც, რანგირების მიხედვით“, – ამბობს ბორჯომის საკრებულოს თავმჯდომარის მოადგილე გიორგი გოგიჩაიშვილი.

შეგახსენებთ, რომ ბორჯომის საკრებულოს თავმჯდომარე ზაზა ჩაჩანიძე 28 მარტს გადააყენეს. 21 დეპუტატიდან ჩაჩანიძის იმპიჩმენტს მხარი 19–მა დაუჭირა, მათ შორის, ექვსი მისი თანაგუნდელი იყო.

[თინათინ ზაზაძე, ბორჯომი]