ახალქალაქში ძლიერმა ქარმა 17–მდე სოფელი დააზარალა

ახალქალაქის მუნიციპალიტეტის მერიაში სტიიქიით მიყენებული ზარალის შემსწავლელმა კომისიამ სოფლების შემოვლა უკვე დაასრულა.

„ყველა სოფელში ვიყავით და ადგილზე ვნახეთ რა მდგომარეობაა. თოთხამში, სამსარში და კიდევ ბევრ სოფელში საცხვრებელ სახლებს სახურავები აქვს გადახდილი. ბურნაშეთში კულუტრის სახლის სახურავის ნაწილია მოხდილი. ჩუნჩხაში კი რიტუალების სახლს სახურავი მთლიანად ახადა“, – ამბობს ახალქალაქის მუნიციპალიტეტის მერი იურიკ უნანიანი.

მისი თქმით, მუნიციპალიტეტში 17–მდე სოფელია დაზარალებული, თუმცა, ჯერ ზარალის ზუსტი ოდენობა დადგენილი არ არის: „ახლა ვითვლით, რამდენიმე დღეში გვეცოდინება თუ ვის რა ოდენობის ზიანი მიადგა“.

უნანიანი ამბობს, რომ იმ ოჯახებს, რომლებიც მნიშვნელოვნად დაზარალდნენ, გადასახური მასალით დაეხმარებიან.

შეგახსენებთ, რომ ძლიერი ქარი ახალქალაქის მუნიციპალიტეტში 24 მარტს იყო. სტიქიამ სოფელ ჩუნჩხაში რიტუალების სახლს სახურავი მთლიანად გადახადა, დაახლოებით ექვსი ადგილობრივის სახლს სახურავი ნაწილობრივ დაუზიანა. შემთხვევის შედეგად არავინ დაშავებულა.

[თინათინ ზაზაძე, ახალქალქი]