დღეიდან დაუნის სინდრომის მსოფლიო დღის კვირეული დაიწყო

• 12-21 მარტი - უთვალავი ჭრელი წინდისკამპანია #წინდამინდა (წინდების შეძენა შესაძლებელია „ნიკორასა" და "ეკონომიქსის" მაღაზიების ქსელსა და სოციალურ საწარმო „ბაბალეში“)

• 12 მარტი - 12:00 სთ - შშმ ბავშვთა მშობელთა თემის და საქართველოს შრომის ჯანმრთელობისა და სოციალური დაცვის სამინისტროს წარმომადგენლების შეხვედრა თემაზე - მინდობით აღზრდა, ბავშვზე მეურვეობა მზრუნველობა (ილიას უნივერსიტეტი; ი. ჭავჭავაძის 32; 101ა აუდიტორია)

• 16 მარტი - 14:00 სთ- რეგიონალური შეხვედრა კახეთიში მომუშავე ნეონეტოლოგებთან და პირველადი ჯანდაცვის რგოლთან ბავშვთა მიტოვების პრევენციის საკითხებზე (სოციალური მომსახურების სააგენტოს კახეთის სამხარეო ცენტრი; ქ.თელავი, აღმაშენებლის 1)

• 19 მარტი - 19:00 სთ- პერფომანსი „47=46 „ ინტეგრირებული დასის „აზდაკის ბაღი“ და მოზარდ მაყურებელთა თეატრის მსახიობების ერთობლივი წარმოდგენა (ნოდარ დუმბაძის სახელობის მოზარდ მაყურებელთა თეატრი; ქ. თბილისი, აღმაშენებლის გამზ.99)

• 21 მარტი - 11:00 - 14:00 კონფერენცია „რას ვმატებ ჩემს სამსახურს“ - ეძღვნება შშმ პირთა დასაქმების კუთხით არსებულ გამოწვევებს;(ქ.თბილისი, სასტუმრო რუმსი)

• 21 მარტი - ფართომაშტაბიანი საინფორმაციო კამპანია საქართველოს რეგიონის მუნიციპალიტეტებში.

დაუნის სინდრომის მსოფლიო დღედ, გაერთიანებული ერების ორგანიზაციის ეგიდით, 2011 წლის 10 ნოემბერს, 21 მარტი დაწესდა. 21.03 გარკვეული სიმბოლიკის მატარებელია, დაუნის სინდრომი ვლინდება 21-ე ქრომოსომის გასამებით.

მსოფლიოს მრავალ ქვეყანაში ამ დღეს დაუნის სინდრომის შესახებ ცნობადობის ამაღლების მიზნით სხვადასხვა ღონისძიებები იმართება, მათ რიცხვშია საქართველოც.

„საქართველოს დაუნის სინდრომის ასოციაცია“ წელს მეშვიდედ აღნიშნავს დაუნის სინდრომის მსოფლიო დღეს.

წლევანდელი მსოფლიო კამპანიის გზავნილია "რას ვმატებ საზოგადოებას" (What I bring to my community).

[sknews.ge]