ვინ დანიშნეს ფრაქციების თავმჯდომარეების მოადგილეებად

ახალციხის მუნიციპალიტეტის საკრებულოში ხუთი ფრაქციაა. მათ შორის, ერთს „ქართული ოცნება დემოკრატიული საქართველო – ახალციხე“ თავმჯდომარის ორი მოადგილე ეყოლება, რადგან ფრაქციაში ცხრა დეპუტატზე მეტია გაწევრიანებული.

„ქართული ოცნება დემოკრატიული საქარველო – ახალციხეს“ თავმჯდომარის მაოდგილეები იქნებიან ნოდარ ტალახაძე და გიორგი ზაქროშვილი.

„ქართული ოცნება – კონსერვატორების“ თავმჯდომარის მოადგილედ ალექსი ლაბაძე დანიშნეს.

„ქართული ოცნება – მრეწველების“ თავმჯდომარის მოადგილის პოზიციას კი პეტროს ვართანიანი იკავებს.

კიდევ ერთი ფრაქცია, რომელსაც თავმჯდომარის მოადგილე ეყოლება „ევროპული საქართველო – მოძრაობა თავისუფლებისთვისაა“. ახლადშექმნილი თანამდებობა აქ ირინა გელაშვილმა დაიკავა.

საკრებულოში თავმჯდომარის მოადგილე მხოლოდ ერთ ფრაქციას „მწვანეებს“ არ ეყოლებათ. მიზეზი ისაა, რომ მასში გაწევრიანებული დეპუტატები ოცნების ქვოტით არიან გასულები და კანონით ამის უფლება არ აქვთ.

ფრაქციების თავმჯდომარეების დანიშვნისა და მათი ვინაობის შესახებ ინფორმაცია დეპუტატებმა 15 თებერვალს გამართულ რიგით მეოთხე სდხომაზე ცნობად მიიღეს.

შეგახსენებთ, რომ საკრებულოს რეგლამენტში შესული ცვლილებების მიხედვით, საკრებულოს ფრაქციებს თავმჯდომარეების გარდა, თავმჯდომარის მოადგილეებიც ეყოლებათ და მათი ანაზღაურება 1000 ლარი იქნება.

[თამუნა უჩიძე, ახალციხე]