წყლის ცენტრალური მილი იცვლება – ელის თუ არა უწყლობა ახალციხეს

კომპანია, რომელმაც მილის გადატანა უნდა უზრუნველყოს, უკვე გამოვლინდა. "საქართველოს გაერთიანებული წყალმომარაგების კომპანიამ" ხელშეკრულება შპს „რეკონსტრუქცია XXI“–ს ფილიალთან გააფორმა. კომპანია სამუშაოებს 167 765 ლარად შეასრულებს.

წყლის მილის მეწყერსაშიში ზონიდან გადასატანად კომპანია სამუშოებს უახლოეს დღეებში დაიწყებს. "საქართველოს გაერთიანებული წყალმომარაგების კომპანიის" ახალციხის რაიონულ ორგანიზაციაში აცხადებენ, რომ სამუშაოების შესრულების პერიოდში ქალაქს წყლის მიწოდება არ შეეზღუდება: „ჯერ შემოვლითი გზა გაკეთდება და შემდეგ მოხდება გადაერთება“.

შეგახსენებთ, რომ გეოლოგიური კვლევის მიხედვით, ახალციხის ცენტრალური წყლის მილი მეწყერსაშიშ ზონაშია და შესაძლოა ნებისმიერ დროს გაწყდეს. თუ ეს ასე მოხდება, 7000–მდე აბონენტს უწყლოდ დარჩენა, ქალაქს კი ეპიდემიის გავრცელება ელის.

ამ თემაზე: შესაძლოა ახალციხე უწყლოდ დარჩეს

ეს დასკვნა ერთი წლის წინ დაიდო. კითხვაზე, ამდენი ხნის განმავლობაში რატომ დაგვიანდა მილის გადატანა, ამბობენ, რომ იქ სადაც მილი გადადის, კერძო ბაღებია და მათ მფლობელებთნ მოლაპარაკებას დრო სჭირდებოდა.

[თამუნა უჩიძე, ახალციხე]