სად და რა ფასად შეიძენთ ახალციხეში ხელოვნურ ნაძვის ხეს

ხელოვნური ნაძვის ხეების ყველაზე დიდი არჩევანი ქალაქის ცენტრში, ყოფილი ბაზრის მიმდებარე ტერიტორიაზე გახსნილ მაღაზიებსა და ახალციხის შემოსასვლელში, ქალაქის ბაზარშია შესაძლებელი.

კოსტავას ქუჩაზე მდებარე მაღაზიებში ნაძვის ხის ფასები 12 ლარიდან იწყება და 100 ლარამდე ადის. ფასი ნაძვის ხის სიმაღლეზეა დამოკიდებული. ამავე მაღაზიებში, დიდი არჩევანია ნაძვისხის ატრიბუტებისაც, როგორც ფორმისა და ზომის, ასევე, ფასის მიხედვით. ნაძვის ხის ბურთულების ფასები 30 თეთრდან იწყება.

ასეთივე არჩევანია იაძის ქუჩის (სასამართლოს ტერიტორიის) მაღაზიებშიც.

მაგრამ, თუ თქვენ მაღალ ნაძვის ხეს ეძებთ, მისი არჩევა თაბუკაშვილის ქუჩაზე მდებარე მაღაზიას უნდა მიაკითხოთ. აქ 2.40 სანტიმეტრი სიგრძის ნაძვის ხე 130 ლარია.

ხელოვნური ნაძვის ხეების დიდი არჩევანია ახალციხის აგრარულ ბაზარშიც. აქ ყველაზე პატარა ნაძვის ხის ფასი 5 ლარიდან იწყება.
რაც შეეხება ჩიჩილაკს, მისი ფასებიც ზომის მიხედვით განსხვავდება და 1.50 ლარიდან იწყება. ჩიჩილაკების დიდი არჩევანია ბაზარშიც და კოსტავას ქუჩაზე, მათ შორის, ფეხით მოსიარულეთა სავალ ნაწილზე გამოტანილ დახლებზეც.



[მარიამ ბარძიმაძე, ახალციხე]