უვიზო მიმოსვლის შეჩერების საფრთხეები – საინფორმაციო შეხვედრა უნივერსიტეტში

შეხვედრას ადგილობრივი თვითმმართველობისა და არასამთავრობო ორგანიზაციების წარმომადგენლები, ასევე, სტუდენტები და უნივერსიტეტის თანამშრომლები ესწრებოდნენ.

შეხვედრის მიმდინარეობისას განსაკუთრებული ყურადღება ევროპის ქვეყნებში თავშესაფრის მიღების მაძიებლებზე გამახვილდა.

„საქართველსო საგარეო პოლიტიკის მთავარ პრიორიტეტებს წარმომადგენს: ტერიტორიული მთლიანობის აღდგენა, ნატოში გაწევრიანება და ევროკავშირთან ინტეგრაცია. ვიზა ლიბერალიზაციით ჩვენ ევროპას უნდა ვაჩენოთ, რომ ჩვენც ევროპელები ვართ. ის მოქალაქეები კი, რომლებიც თავშესაფარს ითხოვენ ამ პროცესს საფრთხეს უქმნიან“, – ამბობს საქართველოს საგარეო საქმეთა სამინისტროს საკონსულტაციო დეპარტამენტის ანალიზისა და დაგეგმარეების სამმართველოს უფროსი ბექა ზარანდია.

მან შეხვედრის მონაწილეებს უვიზო რეჟიმის წესების დაცვისკენ მოუწოდა: „თუ ამ წესებს არ დავიცავთ საფრთხე შეექმნება ჩვენ მთავარ მონაპოვარს და უვიზო მიმოსვლის შეჩერების ამოქმედებაზე საუბარი დაიწყება. ძალიან მნიშვნელოვანია, რომ თითოეულმა ჩვენგანმა გავაცნობიეროთ ეს“.

საინფრომაციო ხასიათის შეხვედრები ვიზალიბერალიზაციის შესახებ სამცხე–ჯავახეთის სხვა მუნიციპალიტეტებშიც ჩატარდება.



[თორნიკე ზაზაძე, ახალციხე]