‘თანასწორობა იგებს’ – აქცია ახალციხეში

"თუ გვსურს, რომ ქვეყანა წარმატებული იყოს და უკეთეს პირობებში ვიცხოვროთ, მაშინ ქვეყნის მართვაში აუცილებლად უნდა მიიღოს მონაწილეობა მოსახლეობის ნახევარზე მეტმა – ქალებმა”, – ასეთი იყო ერთ–ერთი გზავნილი იმ საინფორმაციო ბუკლეტიდან, რომელსაც ბაზარში, მოვაჭრეებსა და მყიდველებს ურიგებდნენ.

საინფორმაციო ბუკლეტზე აღნიშნულია ინფორმაცია იმის შესახებ, როგორი მდგომარეობაა საქართველოში, პოლიტიკაში ქალთა მონაწილეობის კუთხით.

დღევანდელი მდგომარეობით:

* საკრებულოებში არჩეულ 2083 წევრს შორის მხოლოდ 246 ქალია (11.8%)
* თელავის, წალკის, ასპინძის, ფოთის საკრებულოებში არცერთი ქალი დეპუტატი არ არის;
* 59 მუნიციპალიტეტიდან მხოლოდ 1 მუნიციპალიტეტის (თიანეთის) გამგებელია ქალი;
* არცერთი გუბერნატორი და ქალაქის მერი ქალი არ არის;

უკვე 2017 წელია.
თვითმმართველობის არჩევნებზე უნდა შევცვალოთ არსებული რეალობა
ჩვენ გვჭირდება მეტი ქალი პოლიტიკაში– ასეთი იყო აქციის მთავარი გზავნილი

აქცია გაიმართა პროექტის ფარგლებში „თანასწორობა იგებს“ , რომელსაც არასამთავრობო ორგანიზაცია „ჟურნალისტთა ქსელი გენდერული თანასწორობისათვის“ ამერიკის შეერთებული შტატების საერთაშორისო განვითარების სააგენტოსა ( USAID) და საარჩევნო სისტემების საერთაშორისო ფონდის (IFES) მხარდაჭერით ახორციელებს.







[sknews.ge]