ამერიკელი ფოტოგრაფის ედუარდ კურტისის გამოფენა ახალციხეში

ედუარდ კურტისის ნამუშევრები დღეს საქართველოს ცხრა ამერიკის კუთხეში ერთდროულად გამოიფინა. გამოფენა შესავალი სიტყვით აბრეშუმის მუზეუმის კურატორმა სალომე ფაჩუაშვილმა გახსნა, რომელიც გახსნის ღონისძიებებს ინტერნეტით ჩაერთო.

ედუარდ კურტისი ამერიკელი ფოტოგრაფი და ეთნოგრაფი იყო. იგი 1868 წელს დაიბადა. მისი შემოქმედება ამერიკის მკვიდრი მოსახლეობის ყოფასა და ტრადიციებს ასახავს. იგი 30 წლის განმავლობაში, სხვადასხვა ექსპედიციაში მონაწილეობდა, რა დროსაც ინახავდა ხმოვან შეტყობინებებს, იწერდა ინტერვიუებს და გადაიღო 40 000–ზე მეტი ფოტო, რითაც შემოგვინახა 80–ზე მეტი მკვიდრი ამერიკული ტომის მრავალფეროვანი და მდიდარი კულტურა.

ედუარდ კურტისის ბევრი ფოტო დადგმულია, რადგან ფოტოგრაფს უნდოდა, ეჩვენებინა ავთენტური გარემო გარესამყაროს კვალის გარეშე იმ შემთხვევაშიც კი, თუ ის უკვე დაკარგული იყო. მიუხედავად ამისა, მისი ნამუშევრები ფასდაუდებელ ინფორმაციას გვაძლევენ ადგილობრივი ხალხების კულტურის შესახებ.

წარმოდგენილი ფოტოები ვაშინგტონის კონგრესის ბიბლიოთეკაში დაცული ორიგინალის ასლებია. კურტისის 15 ფოტო ახალციხის ბიბლიოთეკაში 2 კვირის განმავლობაში დარჩება.







[sknews.ge]