საფეხური: რატომ გაჭიანურდა არლის სკოლის მშენებლობა [Audio]

მთავარი → საზოგადოება » განათლება 26.09.2017

სოფელ არალში მესამე წელია სასწავლო პროცესი ნათხოვარ შენობაში მიმდინარეობს. სკოლის მშენებლობა გაჭიანურდა, რის გამოც 128 მოსწავლე და 26 მასწავლებელი რთულ მდგომარეობაში აღმოჩნდა. რატომ შეჩერდა სამშენებლო სამუშაოები და როდის დასრულდება სკოლის მშენებლობა – ამ თემაზე არლის საჯარო სკოლის დირექტორი მარო ჩხიტუნიძე საუბრობს, თინათინ ზაზაძის გადაცემაში "საფეხური"

არლის საჯარო სკოლის მშენებლობა ინფრასტრუქტურის განვითარების სააგენტოს დაფინანსებით 2015 წლის დასაწყისში დაიწყო, რომელის ღირებულება 1 698 000 ლარით განისაზღვრა და ერთ წელში უნდა დასრულებულიყო.
სამუშაოებს ტენდერში გამარჯვებული კომპანია შპს "Civil Construction" ასრულებდა, თუმცა მისი ხელმძღვანელის გარდაცვალების გამო სამუშაოები შეჩერდა. უკვე ათი თვეა სკოლაში სამშენებლო სამუშაოები აღარ მიმდინარეობს.

სკოლა, რომელის დიდი ნაწილიც, როგორც სამინისტროში ამბობენ, უკვე დასრულებულია, 192 მოსაწვლეზეა გათვლილი. ადაპტირებულია შშმ პირებისთვის, ასევე უნდა გაკეთდეს ლიფტი, სპორტული დარბაზი და ხელოვნურსაფარიანი სპორტული მოედანი.

[sknews.ge]