სააგენტო: წაღვერში ღია კერები აღარ არის

ხანძარი წაღვერში. ფოტო: საქართველოს შინაგან საქმეთა სამინისტრო

უწყების ინფორმაციით, მთელი დღის განმავლობაში, უშუალოდ ცეცხლის კერებთან, ინტენსიურად მუშაობდა ცოცხალი ძალა და ხანძარსაწინააღმდეგო ტექნიკა. სხვადასხვა მიმართულებით გაიჭრა გზა, რომლის მეშვეობითაც მოხდა მიუვალ ადგილებში, ცეცხლის კერებამდე ავტოტექნიკის შეყვანა. ცოცხალ ძალასთან და მძიმე ტექნიკასთან ერთად, უწყვეტ რეჟიმში მუშაობდა 3 საჰაერო ტექნიკა. ვერტმფრენებმა დღეს 166 გაფრენა განახორციელეს და ხანძრის კერებს 913 ტონა წყალი დაასხეს.

ხვალ, დილიდან, ხანძრის ქრობის პროცესში, 5 საჰაერო ტექნიკა ჩაერთვება - საქართველოს 2, აზერბაიჯანის 1 და თურქეთის 2 ვერტმფრენი.

[ნინო ნარიმანიშვილი, ბორჯომი]