საუბნო საარჩევნო კომისიებმა დღეს პირველი სხდომები გამართეს

N39–ე ახალციხის საარჩევნო ოლქის, N12 აგარის უბანზე, პირველი სხდომა დღეს დილით, 10:00 საათზე დაიწყო. სხდომას 13–დან 11 წევრი ესწრებოდა. სხდომაზე, რომელიც დაახლოებით 15 წუთს გაგარძელდა, თავმჯდომარედ ტარიელ ბუხრიკიძე აირჩიეს, მოადგილედ მამუკა ხუციშვილი, მდივნად კი ნათია კარელიძე აირჩიეს.

ხუციშვილის განმარტებით, პირველ სხდომას „ევროპული საქართველოსა“ და „პატრიოტთა ალიანსის“ წარმომადგენლები არ დასწრებიან, მაგრამ: „ამას სხდომის ჩატარებისათვის ხელი არ შეუშლია, სატელეფონო კავშირი შედგა მათთან და ისე მივიღეთ თავმჯდომარის დანიშვნაზე თანხმობა“.

სხდომის დასრულების შემდეგ, საუბნო კიმისიას, საარჩევნო ოლქმა ამომრჩეველთა ერთიანი სია და არჩევნების ჩასატარებლად ყველა საჭირო ინვენტარი გადასცა.

კანონმდებლობის თანახმად, ამომრჩეველთა სია შენობის თვალსაჩინო ადგილზე უკვე გამოიკრა. კომისიის წევრების განცხადებით, ამ დროისათვის აგარის საარჩევნო უბანს 1404 ამომრჩეველი ჰყავს, თუცა, ჯერ ამომრჩევლებმა საკუთარი მონაცემები უნდა გადაამოწმონ და შესაძლოა სიაში რამე შეიცვალოს.

20 სექტემბრის მონაცემებით, ახალციხის საარჩევნო ოლქში, 34 367 ამომრჩეველია; სამცხე–ჯავახეთში კი 145, 302.

სარჩევნო კოდექსის მიხედვით, არჩვენების დღემდე საარჩევნო უბნები არ დაიხურება და ყოველ დღე კომისიის წევრები იმორიგევებენ.

[sknews.ge]