ახალციხეში საარჩევნო უბნები გაიხსნა

ახალციხეში უბნები დილით 10:00 საათიდან გაიხსნა. კანონმდებლობით საარჩევნო უბნები არჩევნებამდე 30 დღით ადრე იხსნება.

„ყველაფერმა მშვიდობიანად ჩაიარა. გააკრეს ამომრჩეველთა სიები. ადრე იყო 1204 და ახლა 1181 გვყავს, უბანზე მორიგეობაც გავანაწილეთ.

თავმჯდომარედ მანანა ლიჩელი ავირჩიეთ, მოადგილედ მზია კობესაშვილი. დღეს მე ვარ მორიგე და ვამზადებ ბიულეტენებს, რომ შემდეგ ამომრჩვეველს დავურიგოთ“,- გვითხრა ახალციხის N1 საარჩენო უბნის კომისიის წევრმა ენმ-დან რუსუდან გაჩეჩილაძემ.

N17 მაჟორიტარულ ოლქში, რომელშიც რეგიონის ოთხი მუნიციპალიტეტი (ახალციხე, ადიგენი, ასპინძა და ბორჯომი) შედის, 106 უბანი და 1 272 საუბნო საარჩევნო კომისიის წევრია.

საარჩევნო ოლქში უბნების გახსნის პროცესი დღის ბოლომდე დასრულდება.

[მარიამ ბარძიმაძე]