უნივერსიტეტის დებატ-კლუბის პირველი დებატები

სტუდენტებმა დებატები ნარკომანიასა და მსუბუქი ნარკოტიკული საშუალებების დეკრიმინალიზაციის თემაზე გამართეს. დებატებში ორი მტკიცებითი და უარმყოფელი მხარე მონაწილეობდა.

”მე უარმყოფელ მხარეს წარმოვადგენდი. დღეს პირველადგავმართეთ დებატები და რა თქმა უნდა რაღაც შეცდომები დავუშვით. თუმცა, საკმაოდ კარგად წარიმართა”, - ამბობს პირველი გუნდის წარმომადგენელი, ჟურნალისტიკის სპეციალობის სტუდენტი ნათია ბრეგაძე.

დებატების ხელოვნებას სტუდენტებს უნივერსიტეტის ხარისხის უზრუნველყოფის სამსახურის უფროსის მოვალეობის შემსრულებელი მაკა ბერიძე ასწავლის.

”დღეს პირველად მოვაწყეთ დებატები და აღფრთოვანებული ვარ ამ ბავშვებით. ძალიან კარგად იდებატეს”, - ამბობს მაკა ბერიძე.

სამცხე-ჯავახეთის სახელმწიფო სასწავლო უნივერსიტეტში დებატ-კლუბის ჩამოყალიბებაზე მუშაობა თებერვალში დაიწყო. კლუბისთვის 40 სტუდენტი შეირჩა, რომელებიც დებატებს ჯგუფურად გამართავენ. პროექტი ”სტუდენტური დებატები პოლიტიკური რეფორმების მხარდასაჭერად” ”აღმოსავლეთ-დასავლეთის მართვის ინსტიტუტმა” დააფინანსა. პროექტი ექვსთვიანია და მიზნად ისახავს სამცხე-ჯავახეთის სახელმწიფო სასწავლო უნივერსიტეტსა და თბილისის ილიას უნივერსიტეტში დებტ-კლუბების ჩამოყალიბებას, დებატების ტექნიკის სწავლებას და შეჯიბრებებში მონაწილეობას.

დებატ-კლუბის წევრები ილიას უნივერსიტეტის დებატ-კლუბს სადებატოდ მაისის ბოლო რიცხებში ესტუმრებიან.

[ნინო ზედგინიძე, ახალციხე]