წელს 28053 აბიტურიენტი სტუდენტი გახდა

შეფასებისა და გამოცდების ეროვნული ცენტრის ინფორმაციით, წელს ერთიან ეროვნულ გამოცდებზე სრული და ნაწილობრივი გრანტის მოპოვება 6555-მა აბიტურიენტმა შეძლო, ხოლო უფასო საგანმანათლებლო პროგრამებზე 3742 აპლიკანტი ისწავლის.

წელს ეროვნულ გამოცდებში 39 ათასამდე აბიტურიენტი მონაწილეობდა, უმაღლეს სასწავლებლებში კი 44 ათასზე მეტი ადგილი იყო.

თითქმის ყველა ადგილი შეივსო თსუ-ში, ილიაუნსა და თავისუფალ უნივერსიტეტში. არც ერთი ვაკანტური ადგილი არ დარჩენილა აგრარულ უნივერსიტეტში, საქართველოს ტექნიკურ უნივერსიტეტს კი ყველაზე მეტი თავისუფალი ადგილი დარჩა.

გასულ, 2014 წელს სულ 26377 აბიტურიენტი ჩაირიცხა.

ერთიანი ეროვნული გამოცდების საბოლოო შედეგების ნახვა აბიტურიენტებს ელექტრონულად, შემდეგი ვებ–გვერდის საშუალებით შეუძლიათ www.online.naec.ge

[sknews.ge]