აბასთუმანში ცეცხლის ქრობის პროცესი განახლდა

შსს–ს ინფორმაციით, შერეულ ტყის მასივში ხანძრის ქრობის პროცესი უწყვეტ რეჟიმში გრძელდება. მთელი ღამის განმავლობაში, ხანძრის კერებთან იმყოფებოდა ათეულობით ხანძარსაწინააღმდეგო ტექნიკა და ცოცხალი ძალა, რომელიც ცეცხლის სალოკალიზაციო სამუშაოებს სხვადასხვა ცეცხლმაქრი ხელსაწყოსა და წყლის ჭავლის გამოყენებით ახორციელებდა.

გამთენიიდან ხანძრის ქრობის პროცესში ჩაერთო ავიაცია.

შს მინისტრმა გიორგი მღებრიშვილმა აბასთუმანში შსს-ს საგანგებო სიტუაციების მართვის საველე შტაბის მორიგი თათბირი ჩაატარა, რომელსაც შსს-ს შესაბამისი დანაყოფების ხელმძღვანელები და შტაბის სხვა წევრები ესწრებოდნენ. თათბირზე ხანძრის ლიკვიდაციის გეგმა და სტრატეგია განიხილეს.

აბასთუმანში იმყოფება „სამხრეთის კარიბჭეს“ გადამღები ჯგუფი, შემთხვევის ადგილიდან ინფორმაციას უწყვეტ რეჟიმში მოგაწვდით.



ვიდეო – შინაგან საქმეთა სამინისტრო

[sknews.ge]